Pag-ibig na Walang Katulad

Pag-ibig na Walang Katulad

By: Francis Ang

Ang pag ibig daw niya’y walang katulad;

Budhing itim ko man ay iladlad,

Dumi ng isip ko man ay walang takas,

Tiyak daw na ako ay kaniyang ililigtas.

Ano nga ba ang nararapat,

Sa kasalanan kong sandamakmak?

Sa tuwing ako’y gagawa ng kabutihan,

Hinihigitan din ito ng paggawa ng kasalanan.

Sino siya na makapangyarihan?

Kasalanan ko daw ay kanyang kinamkam.

Sa dugo niya ako’y tinubos.

Upang hindi na maging isang busabos.

Wari ko’y di ako karapat-dapat,

Sa piling niya ay mapadpad,

Ngunit ang pag-ibig ni Kristo,

Ang siyang nagpuno na ng lahat.